திருவருகைக்காலத்தின் முதல் ஞாயிறாகிய 01/12/2024 அன்று காலை 9.00 மணி தொடக்கம் மதியம் 1.00 மணி வரை தமிழ் பேசும் பங்கு மக்களுக்கான திருவருகைக்காலம் குறித்த சொற்பொழிவும் தியானமும் . “எதிர்நோக்கின் ஒளியே வாரும்” என்னும் கருப்பொருளுடன் நடைபெற்றது திரு ஆர்.கே சாமி அவர்களின் வழிகாட்டலுடன் திரு சூ.யூ யூலியன் அவர்களினால் வழிநடத்தப்பட்ட இந்தத் தியானத்தில் இளைஞர்கள் மற்றும் பங்கு மக்கள் பலர் பங்கெடுத்திருந்தனர்.
இத்தியானம் தமிழ் அப்போஸ்தலர் பணிக்குழுவின் தலைவர் திருமதி குளோரியா அவர்களால் ஆரம்பித்து வைக்கப்பட்டதுடன் திருமதி ரீத்தா லீன் பச்ஷேக் அவர்களால் இறைவேண்டல் வழிநடத்தப்பட்டது. தொடர்ந்து திருவருகைக் காலத்தின் முக்கியத்துவம் மற்றும் அதற்கான அடிப்படை ஆகியவற்றை விவிலிய அடிப்படைகளைக் கொண்டு விளக்கமளிக்கப்பட்டதைத் தொடர்ந்து குழுப்பகிர்வு மற்றும் பங்கெடுப்பாளர்களின் முழுமையான பங்களிப்புடன் மிகச் சிறப்பாக நடைபெற்றது. பின்னர் திருமதி ஜெயா ஜான் அவர்களின் முடிவுச் செபத்துடன் தியானம் இனிதே நிறைவெய்தியது. இந்தத் தியானத்திற்கான வழிகாட்டல் மற்றும் அனுமதியை வழங்கி ஊக்கமளித்து உதவிய பங்குத் தந்தை அருள்பணி ப்ரெட்ரிக் யோசேப்பு மற்றும் பேரருட் தந்தை ஜேம்ஸ் ஞானா அவர்களுக்கும் தமிழ் அப்போஸ்தலர் பணிக்குழு நன்றிகளைத் தெரிவித்துக் கொள்கின்றது.

You must be logged in to post a comment.